Varikoz damarlarının ağırlaşması

Varikoz damarlarının ağırlaşması zamanı hansı tədbirlər görülməlidir?

Varikoz damarlarının ağırlaşması çox insanlarda əmələ gələ bilər. Son statistik məlumatlara görə, dünya əhalisinin yarısı aşağı ətrafların varikoz genişlənmiş damarlarından əziyyət çəkir. Yəni, bu xəstəlik çoxları üçün məlumdur. Ancaq nədənsə, xəstəliyin ilk simptomları göründüyü zaman çox az adam həkim-fleboloqa müraciət edir. Bunun əsas səbəblərinə müalicə qorxusu, xəstəliyin kifayət qədər tanınmaması, varikoz damarlarının düzgün qiymətləndirilməməsi və s. daxildir. Bu zaman müalicə olunmadıqda, xəstəlik daha da inkişaf edir. Bəzi hallarda aşağı ətrafların varikoz genişlənmiş damarlarının ciddi ağırlaşmaları baş verir. Bundan əlavə, pasiyentin zaman keçdikcə şişkinlik, ağırlıq və yorğunluq kimi şikayətləri də daha çox narahatlıq doğurur. Şişkinlik fəsadı ağırlaşdıqca pasiyentin hərəkət etməsi də çətinləşir. Bu əlamətlər insan həyatının keyfiyyətini əhəmiyyətli dərəcədə aşağı salmış olur.

Varikoz damarların fəsadları hansılardır?

Aşağı ətrafların varikoz genişlənmiş damarlarının şiddətli fəsadlarına tromboflebit, dərin damar trombozu, trofiki yaraların meydana gəlməsi və varikoz genişlənmiş damardan qanaxma daxildir. Varikoz genişlənmiş damarların ən pis nəticələrindən biri ölümcül nəticədir.

Tromboflebit nədir?

Tromboflebit varikoz genişlənmiş damarlarının iltihabı və damar boşluğunda trombun meydana gəlməsidir. Tromboflebit, varikoz genişlənmiş damarların ən ümumi fəsadlarından biridir. Tromboflebitin simptomları təsirli nahiyədə kəskin ağrı, iltihab, damar gedişində ağırlıq və bəzi hallarda bədən hərarətinin artması ola bilər.

Dərin damar trombozu təcili xəstəxanaya yerləşdirmə tələb edən son dərəcə çətin bir vəziyyətdir. Bu çətinlik potensial həyat təhlükəsi yaradır, çünki bu, ağciyər arteriyası trombozunun inkişafına gətirib çıxara bilər.

Trofiki yaralar aşağı ətraf varikoz genişlənmiş damarların inkişafında son mərhələlərinin təzahürlərindən biridir. Genişlənmiş damarlardan qanaxma hər hansı bir zədələnmənin təsirinə görə baş verir və varikoz genişlənmiş damarların fəsadıdır. Yəni, varikoz damarın divarı çox incədir. İncə damar divarı üzərindəki hər hansı bir zədələnmənin təsiriylə, partlaya bilər. Bu, sürətli qanaxmaya gətirib çıxaracaqdır. Travmatik bir faktor olaraq da qaşınma meydana gələ bilər. Qaşınma varikoz genişlənmiş damarların inkişafının son mərhələlərində xarakterikdir. Təsirə məruz qalmış dəri səthinin qaşınması, incə olan damar divarına zərər verə və qanaxmaya səbəb ola bilər.

Beləliklə, varikoz genişlənmiş damarlar yüngül fəsadlı xəstəliklərdən biri sayılmamalıdır. Aşağı ətraf varikoz damarlarının fəsadları həyati təhlükəli ola bilər. Buna görə, genişlənmiş damarların inkişafı zamanı erkən mərhələlərdə müalicəyə başlamaq lazımdır.